ПАВЛОДАР ӘКІМДІГІ

ПАВЛОДАР ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

Версия для слабовидящих
2018-11-09 17:29:30 Қала жаңалықтары
ЕРТІС ӨҢІРІНДЕ ТҰРҒЫНДАР «ИГІЛІК» БАҒДАРЛАМАСЫНЫҢ ҚОЛДАУЫМЕН ӨЗДЕРІНІҢ КӘСІПТЕРІН АШУДА

Жаңа бастаған кәсіпкер-фермерлерге «Игілік» мемлекеттік бағдарламасында қолайлы несие шарттары қарастырылған. Павлодар қаласының маңындағы Байдалы ауылында осы күзде екі кәсіпкер аталмыш жобаның қатысушылары атанды. Ауыл тұрғындарына ірі қара мал сатып алу үшін бастапқы қаражат берілді. Олардың бірі - Байдалы ауылының 28 жастағы тұрғыны Азамат Әубәкіров.

- Мен алдымен «Бастау» бизнес бағдарламасы бойынша оқу оқыдым, содан кейін 6,5 жылға жылына 6% -ды құрайтын 3,8 млн. теңге несие алдым. Мен әрқайсысы 250 мың теңге тұратын асыл тұқымды ақбас сиырдың 16 басын сатып алдым. Олардың барлығы арнайы ветеринарлық тексерістен өтті. Болашақта ет өнімдерін Павлодар сауда орындарына сатуды жоспарлап отырмын. Сонымен қатар, шаруашылықта  20 жылқы бар, - Дейді Азамат Әубәкіров.

Бүгінгі таңда Кенжекөл ауылы мемлекеттік бағдарламаны  табысты жүзеге асырып жатқан ауылдық округтердің бірі болып табылады. Ауылда мемлекет тарапынан қолдауға ие болған 60-тан астам кішігірім шаруа қожалықтары тіркелген. Ауыл басшылығының айтуынша, бұл бағдарлама ауыл тұрғындары үшін өте қолайлы.

- Соңғы үш жылда мемлекеттік бағдарлама аясында 12 адам 36 млн. теңге сомасында несие алды. Менің ойымша, бұл өзінің бизнесін бастауға жеткілікті. Біз өзін-өзі жұмыспен қамтимын деген азаматтардың барлығына көмектесуге тырысамыз. Бұл ауылдың да, сондай-ақ кәсіпкерлердің де болашағы үшін өте жақсы, -дейді Кенжекөл ауылдық округінің әкімі Серік Шуақбаев.

Фото: pavlodarnews.kz

Прочитано: 344 раз