ПАВЛОДАР ӘКІМДІГІ

ПАВЛОДАР ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

Версия для слабовидящих
2019-08-13 11:36:17 Қала жаңалықтары
ПАВЛОДАР ОБЛЫСЫНЫҢ КӘСІПКЕРЛЕР ПАЛАТАСЫ «ЖАС КӘСІПКЕР» ОҚЫТУ ЖОБАСЫНЫҢ ІСКЕ АСЫРЫЛАТЫНДЫҒЫН ХАБАРЛАЙДЫ

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек»  бағдарламасының аясында Павлодар облысының келесі қалалары мен аудандарында «Жас кәсіпкер» оқыту жобасы іске асырылады: Баянауыл, Ертіс, Тереңкөл, Аққулы, Май, Ақсу, Екібастұз және Павлодар қалалары.

Кәсіпкерлер палатасы «Жас кәсіпкер» жобасы бойынша бірінші ағымда оқуға үміткерлер үшін өтініштерді қабылдау жүргізеді. Оқытудың қатысушылары ретінде жұмыссыз жастар (жұмыспен қамту орталығында тіркелудің қажеті жоқ), жас отбасылардың мүшесі және кәсіпкерлік бастамасы бар 29 жасқа дейінгі еңбекке жарамды мүгедектер бола алады.

«Жас кәсіпкер» жобасы бойынша оқыту тегін болып табылады және оқуды аяқтаған/оқуға қатысқаны туралы сертификат алған қатысушылар бір жолғы шәкіртақымен қамтамасыз етіледі.

Оқуға үміткерлер келесі құжаттардың көшірмелерін алып, тіркелген мекен-жайы бойынша жұмыспен қамту орталығына, Өңірлік кәсіпкерлер палатасына жүгіне алады: жеке куәлігінің көшірмесі, мекенжай анықтамасы және өтініш. Тестілеу 2019 жылғы 14 тамызда өткізіледі. Оқу 2019 жылдың 15 тамызда басталады.

Өңірлік кәсіпкерлер палатасының мекен-жайы: Павлодар қ., Луговая к-сі 16, тел.87182660311 (вн.5560).

Өтініштерді келесі мекенжай бойынша Өңірлік кәсіпкерлер Палатасына беруге болады: Павлодар қаласы, Луговая көшесі, 16, 3 қабат, анықтама үшін телефон 66-03-11, ішкі 5554,5560.

Немесе atameken.kz. сайтынан білуге болады.

Прочитано: 1270 раз